Z’SCHAFFE SCHAFFE

Veli, wo schaffed

send noch em Schaffe

so g’schafft

dass sie’s nöm schaffed

öber s’Schaffe z’rede.

Anderi, wo ned schaffed

wou sie ned schaffe chönnd

schaffed’s deför ned

öbers ned-schaffe z’rede

was sie völlig schaff’d.

Werom schaffe mer’s

eigentlech ned

so öber s’Schaffe z’rede

dass es niemer schafft

anderi öber s’Schaffe

rede z’ghöre?

Egal, ob mer schaffed

oder ned.